弘大美食 | 魂
以韓國傳統酒配上當造水果調配而成嘅Highball！超特別弘大韓式Fusion酒吧！
Hello，大家好，我哋係由韓國人每日提供最新韓國旅行資訊嘅Creatrip。
想搵返間trendy韓式酒吧同朋友、另一半一齊去chill？今日小編想介紹一間位於弘大嘅韓式風格酒吧「魂」，呢度唔單止裝修靚氣氛好，仲有超過10種Highball同超多款下酒菜！去之前記住Download埋下面張Coupon，享有獨家優惠啦！
弘大「魂」基本資訊
- 地址：서울 마포구 와우산로38길 4 1F
- 營業時間：
- 星期一、二、三、四 17:00-01:00（Last Order 00:30）
- 星期五 17:00-02:00（Last Order 01:30）
- 星期六 16:00-02:00（Last Order 01:30）
- 星期日 16:00-01:00（Last Order 00:30）
弘大「魂」實地探訪
今日小編同朋友一齊去咗位於弘大嘅一間充滿韓國傳統氛圍嘅酒吧「魂」，呢度出名Highball調酒種類多，而且下酒菜都好高質，令小編非常期待！
餐廳內部裝修同樣都有沿用到韓國傳統建築元素，而且每盞燈上面仲有以前韓國男人會帶嘅紗帽做裝飾，非常特別！而且因為有落地玻璃，所以令成個格局睇落更加開揚，更加可以望到外面風景！
小編個人覺得呢間酒吧其中一個優點係每張枱都有個無人點餐機，更加有埋中文、英文同日文Menu，就算唔識韓文都可以輕鬆點餐！小編同朋友今次就叫咗蟹膏意粉、煙肉芝士薯仔煎餅、炙燒雞腳同幾款Highball，一齊睇吓好唔好食啦！
蟹膏意粉
首先係呢款蟹膏意粉，小編本身以為真係得蟹膏同少少蟹肉，點知有原隻嘅蟹，而且數量仲唔少，影落夠靚之餘真係可以食得勁滿足！蟹肉夠飽滿，而且意粉蟹膏味都夠香濃，分量都好夠，推薦！
煙肉芝士薯仔煎餅
呢款薯仔煎餅係韓式同西式料理Fusion菜，將薯仔切成絲之後用油煎炸，然後上面係煙肉、芝士同黑橄欖，味道就好似Pizza咁，勁香口，送酒一流！推薦大家點辣醬或者沙律醬食會更加惹味。
炙燒雞腳
雞腳都係韓國最有代表性嘅下酒菜之一，呢度嘅雞腳會連埋芽菜一齊上，炙烤香味濃，而且調味夠濃同辣，非常開胃。如果大家怕辣，記住要點埋沙律醬啦！
桃園結義Highball
弘大「魂」最出名嘅係佢哋嘅Highball，呢度有成超過10款Highball可以叫，而且大部分都係用韓國傳統酒同食材炮製而成，相當特別！上面呢款係老闆推薦俾小編嘅桃園結義Highball，影落真係勁靚！而味道方面就係桃味，甜甜地易入口。
Sarak Highball
跟住呢款Sarak Highball係用一款韓國橡木桶熟成蒸餾酒Sarak調製而成嘅蘋果味Highball，一開頭上枱嘅時候會有兩個杯，其中一個杯入面充滿白煙，喺酒度加入煙燻肉桂條香味之後，大家可以親手將酒加落另一個杯度，然後用肉桂條攪匀。淡淡蘋果香味加上煙燻味，非常特別！
首爾之夜
最後呢杯首爾之夜Highball係一杯青梅&青提味Highball，清新得嚟酒味都夠，鍾意飲酒嘅朋友們都會鍾意！
如果平時去開西式酒吧或者韓式布帳馬車，今次想搵返間氣氛同quality都夠好嘅韓式Bar，非常推薦大家嚟弘大「魂」，下載買coupon仲可以享有折扣優惠，記住唔好錯過啦！
弘大「魂」前往方法
撳我下載優惠券👇🏻
以上係弘大「魂」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com